![]() |
Requerimentos técnicos para proxectos de dixitalización en Galicia |
No Diario Oficial de Galicia de 9 de marzo de 2020 publícase a RESOLUCIÓN do 27 de febreiro de 2020 pola que se aproban as bases reguladoras para a concesión de subvencións, en réxime de concorrencia competitiva, para a dixitalización do patrimonio cultural de Galicia coa finalidade de preservación e difusión a través de Galiciana-Patrimonio Dixital de Galicia, e se procede á súa segunda convocatoria para os anos 2020-2021, cofinanciada co Fondo Europeo de Desenvolvemento Rexional, no marco do programa operativo Feder Galicia 2014-2020 (código de procedemento PR606A). Para solicitar máis información pode contactar coa Amtega a través dos seguintes canles:
Finalidade Obxecto Solictantes Prazos
Orzamento Gastos subvencionables
Pode acceder a un resumo da resolución de axudas premendo aquí. Todo o proceso de creación dos recursos dixitais deberá seguir o establecido nesta páxina e seguindo a seguinte documentación:
Xornada informativa dirixida as entidades beneficiarias da primeira convocatoria (20/02/2019)
Obrigas de publicidade FEDER De conformidade co disposto na Resolución do 9 de xullo de 2018, ao tratarse de subvencións cofinanciadas con fondos estruturais da Unión Europea, en relación coa publicidade do financiamento, de conformidade co previsto no anexo XII, número 2.2, do Regulamento (UE) nº 1303/2013, a persoa beneficiaria deberá recoñecer, en todas as medidas de información e comunicación que leve a cabo, o apoio da Axencia para a Modernización Tecnolóxica de Galicia como entidade xestora, da Secretaría Xeral de Cultura, da Xunta de Galicia e do Feder ao proxecto que incluirá a imaxe institucional da Axencia para a Modernización Tecnolóxica de Galicia e a Xunta de Galicia e mostrara o emblema da Unión, así como unha referencia á Unión Europea, e unha referencia ao Fondo, que dá apoio á operación, o lema do Fondo «Unha maneira de facer Europa». Modelo de publicidade física durante a execución da operación (Obrigas de publicidade física) Publicidade a través da páxina web dos beneficiarios. Os beneficiarios na páxina web deberán mostrar adecuadamente o logotipo da Unión Europea así como a imaxe institucional da Axencia para a Modernización Tecnolóxica de Galicia e a da Xunta de Galicia e incorporar o seguinte parágrafo: Esta subvención, en réxime de concorrencia competitiva, para a dixitalización do patrimonio cultural de Galicia está cofinanciada pola Unión Europea, no marco do Programa Operativo FEDER Galicia 2014-2020, obxectivo temático de garantir un mellor uso das tecnoloxías da información, para a posta en marcha do Plan para a xestión dixital do patrimonio cultural e modernización tecnolóxica do turismo – Dixitalización do patrimonio cultural.
|