Saturday 30 de March de 2019

A Amtega convoca máis de 550 prazas para as probas da certificación galega de competencias dixitais en ofimática

• Están orientadas a aquelas persoas que xa posúen os coñecementos necesarios ou que optan pola modalidade autoformativa
• O prazo de inscrición remata o vindeiro 4 de abril e pode realizarse online ou presencialmente na aula de interese
• Os exames presenciais celebraranse os días 8, 9 e 10 de maio nas aulas CeMIT de 38 concellos de toda Galicia
• Este certificado, que emite a Amtega, acredita os coñecementos nesta materia da persoa titular ante calquera instancia pública ou privada

A Axencia para a Modernización Tecnolóxica de Galicia (Amtega) convoca mais de 550 prazas de carácter libre para a avaliación para a obtención da certificación galega en competencias dixitais en ofimática (CODIX). Esta convocatoria está aberta a toda a cidadanía en xeral que, ben pola súa experiencia ou pola súa formación adquirida por diferentes medios xa posúen os coñecementos necesarios das aplicacións informáticas que compoñen o módulo formativo MF0233_2 «Ofimática» baixo o paquete de LibreOffice.

A inscrición a estas probas remata o 4 de abril e poderá realizarse ben a través de internet ou presencialmente na aula de interese, sendo o único requisito o de ser usuario/a da rede CeMIT, trámite que tamén pode realizarse a través da rede.

As probas presenciais celebraranse os días 08, 09 e 10 de maio en diversas quendas de mañá e tarde e que nesta ocasión vanse a celebrar nas aulas CeMIT dos seguintes 38 concellos, que suman un total de 570 prazas dispoñibles:

Abegondo, Ames, Arzúa, Betanzos, Boiro, Brión, Cerceda, A Coruña, Fisterra, Narón, Oroso, Ortigueira, Pontedeume, Santa Comba, Santiago de Compostela e Vimianzo na provincia de A Coruña; Carballedo, A Fonsagrada, Lugo, Ribadeo e Sarria na provincia de Lugo; O Barco, Castro Caldelas, Celanova, Leiro, Ourense e Xunqueira Ambía na provincia de Ourense; e A Cañiza, Cuntis, A Estrada, Lalín, Marín, Moaña, Pontevedra, Tomiño, Valga, Vigo e Vilagarcía de Arousa na provincia de Pontevedra.

Entre as persoas inscritas realizarase un sorteo alfabético para establecer a orde de prelación para poder efectuar a matrícula para as probas en cada quenda, no caso de que existan mais solicitantes que prazas convocadas nas diferentes aulas que realizarán as probas presenciais.

Avaliación

Para obter o CODIX é preciso superar un exame de 50 preguntas tipo test referidas aos contidos do Plan Formativo Ofimático de Galicia, composto polas cinco unidades nas que se estrutura o módulo formativo MF0233_2 «Ofimática» do Repertorio Nacional de certificados de profesionalidade:

• Sistema operativo, busca da información: internet/intranet e correo electrónico

• Aplicacións informáticas de bases de datos relacionais. LibreOffice Base

• Aplicacións informáticas para presentacións: gráficas de información. LibreOffice Impress

• Aplicacións informáticas de tratamento de textos. LibreOffice Writer.

• Aplicacións informáticas de follas de cálculo. LibreOffice Calc

Os materiais formativos que compoñen estes cursos foron elaborados seguindo as boas prácticas recollidas na Guía de boas para a publicación de obras documentais da Xunta de Galicia e poden ser seguidos libremente na súa modalidade de autoformación dentro da plataforma de teleformación da rede CeMIT http://cemit.xunta.gal/ema, na que se poden consultar tanto os contidos específicos dos diversos módulos que compoñen o CODIX como diversos casos prácticos e test de exemplo

Máis de 1.500 prazas programadas para este ano 2019

Esta convocatoria forma parte do Plan de Formación da rede CeMIT para este ano 2019, que terá a súa continuación no segundo semestre do ano con novas convocatorias dun cursos de teleformación titorizada con exame final e outra convocatoria de probas presenciais libres na modalidade autoformativa

Dende a habilitación da rede CeMIT para a formación e avaliación dos contidos formativos do CODIX en maio de 2014, foron máis de 7.000 as prazas convocadas nas súas diferentes modalidades (2.110 en cursos de teleformación titorizada e 4.923 en probas presenciais de acceso libre) e máis de 3.100 as persoas que obtiveron a certificación emitida por parte da Amtega despois de superar as probas presenciais realizadas nas aulas da rede CeMIT.

A estes datos hai que engadir as mais de 300 actividades e cursos en ofimática en software libre que veñen realizando as diferentes aulas de forma presencial durante o último ano como preparación orientada á presentación para estas probas libres, así como os 2.500 accesos aos contidos específicos do CODIX aloxados na plataforma de teleformación a través de internet (http://cemit.xunta.es/ema) e abertos para ser consultados en calquera momento.

Calendarización das probas

As probas de avaliación presencial que se convocan desenvolveranse os días 08, 09 e 10 de maio de acordo co seguinte calendario:

LOCALIDADE	PROVINCIA	DIA	HORA	Nº PRAZAS
Coruña, A - Eiris	Coruña, A	Mércores, 14 de novembro	10:00	16
Narón	Coruña, A	Mércores, 14 de novembro	10:00	14
Barco, O	Ourense	Mércores, 14 de novembro	10:00	15
Estrada, A	Pontevedra	Mércores, 14 de novembro	10:00	15
Pontevedra	Pontevedra	Mércores, 14 de novembro	10:00	27
Tomiño	Pontevedra	Mércores, 14 de novembro	10:00	9
Vilagarcía Arousa	Pontevedra	Mércores, 14 de novembro	10:00	18



LOCALIDADE	PROVINCIA	DIA	HORA	Nº PRAZAS
Abegondo	Coruña, A	Xoves, 15 de novembro	10:00	15
Boiro	Coruña, A	Xoves, 15 de novembro	10:00	10
Cerceda	Coruña, A	Xoves, 15 de novembro	10:00	8
Ortigueira	Coruña, A	Xoves, 15 de novembro	10:00	10
Padrón	Coruña, A	Xoves, 15 de novembro	10:00	9
Pontedeume	Coruña, A	Xoves, 15 de novembro	10:00	11
Ourense	Ourense	Xoves, 15 de novembro	10:00	18
Cuntis	Pontevedra	Xoves, 15 de novembro	10:00	8
Lalín	Pontevedra	Xoves, 15 de novembro	10:00	18
Marín	Pontevedra	Xoves, 15 de novembro	10:00	17




LOCALIDADE	PROVINCIA	DIA	HORA	Nº PRAZAS
Betanzos	Coruña, A	Xoves, 15 de novembro	16:00	20
Coruña, A - Eiris	Coruña, A	Xoves, 15 de novembro	16:00	16
Sada	Coruña, A	Xoves, 15 de novembro	16:00	10
Santa Comba	Coruña, A	Xoves, 15 de novembro	16:00	18
Santiago de C	Coruña, A	Xoves, 15 de novembro	16:00	17
Guitiriz	Lugo	Xoves, 15 de novembro	16:00	15
Vicedo, O	Lugo	Xoves, 15 de novembro	16:00	5
Leiro	Ourense	Xoves, 15 de novembro	16:00	6
Xunqueira Ambía	Ourense	Xoves, 15 de novembro	16:00	8
Cañiza, A	Pontevedra	Xoves, 15 de novembro	16:00	20
Pontevedra	Pontevedra	Xoves, 15 de novembro	16:00	27




LOCALIDADE	PROVINCIA	DIA	HORA	Nº PRAZAS
Ames	Coruña, A	Venres, 16 de novembro	10:00	12
Brión	Coruña, A	Venres, 16 de novembro	10:00	10
Fisterra	Coruña, A	Venres, 16 de novembro	10:00	8
Oroso	Coruña, A	Venres, 16 de novembro	10:00	15
Vimianzo	Coruña, A	Venres, 16 de novembro	10:00	15
Barreiros	Lugo	Venres, 16 de novembro	10:00	12
Carballedo	Lugo	Venres, 16 de novembro	10:00	7
Lugo	Lugo	Venres, 16 de novembro	10:00	12
Ribadeo	Lugo	Venres, 16 de novembro	10:00	15
Sarria	Lugo	Venres, 16 de novembro	10:00	15
Celanova	Ourense	Venres, 16 de novembro	10:00	11
Moaña	Pontevedra	Venres, 16 de novembro	10:00	9
Porriño, O	Pontevedra	Venres, 16 de novembro	10:00	9
Valga	Pontevedra	Venres, 16 de novembro	10:00	11
Vigo	Pontevedra	Venres, 16 de novembro	10:00	12

Data

Saturday 30 de March de 2019