O servizo Gaio da Xunta traduciu xa máis de 250 millóns de palabras

Domingo 20 de Novembro de 2016

O servizo Gaio da Xunta traduciu xa máis de 250 millóns de palabras

Os galegos realizaron 4,3 millóns de consultas desde que se activara o servizo en setembro de 2015

Ademais, a aplicación de Gaio leva rexistradas máis de 2.400 descargas desde o pasado mes de xullo

Gaio permite a tradución directa e inversa de textos e de webs en galego, castelán, portugués, inglés, francés e catalán

Inclúe unha personalización de máis de 16.000 termos entre topónimos galegos e terminoloxía específica da administración

 

O servizo de tradución Gaio leva traducidas 250 millóns de palabras desde setembro de 2015, cando a Axencia para a Modernización tecnolóxica de Galicia (Amtega) e a Secretaría Xeral de Política Lingüística puxeron á disposición dos galegos cidadanía esta ferramenta que, ata entón, era de uso de interno da Administración.

Desde entón Gaio recibiu preto de 1,5 millóns de visitas que puideron acceder á tradución directa e inversa de textos e de webs en galego, castelán, portugués, inglés, francés, catalán etc.

Gaio ofrece aos usuarios unha personalización de máis de 16.000 termos entre topónimos galegos, terminoloxía específica da administración, nomenclatura vinculada ás corporacións de todos os Concellos, Consellerías etc...

A versión pública de Gaio, aberta a toda a cidadanía, se beneficia das melloras realizadas, tanto a nivel lingüístico como técnico, durante os case 2 anos que a ferramenta levaba empregándose a nivel interno na Xunta de Galicia.

App

En xullo deste ano publicouse a aplicación Gaio, a número 25 das apps da Xunta, e que xa leva 2.400 descargas acumuladas. A app, dispoñible para os sistemas operativos IOS e Android, traslada aos dispositivos móbiles as funcionalidades de GAIO.

A aplicación móbil Gaio, que conta cunha interface moi sinxela e intuitiva, permite a tradución de textos entre galego, castelán, inglés, portugués, francés e catalán. O usuario que descargue Gaio poderá gardar as súas traducións favoritas, enviar suxestións para completar e mellorar os dicionarios de Gaio, configurar os idiomas por defecto e predeterminar se aplicación debe ou non marcar as palabras descoñecidas.

Presenza da Administración na rede

A presenza da Administración pública na rede é unha ferramenta fundamental para a prestación de servizos públicos dixitais e, neste caso concreto, para difundir a nosa riqueza cultural, patrimonial, lingüística e social. Este obxectivo refórzase co emprego do dominio .gal, que están a incorporar todas as novas webs institucionais, dentro do compromiso que asumiu o Goberno galego en maio de 2015.