Novas

Formulario de busca

Fondos

NovasNovas

Formulario de busca

cierra cierra

O Plan Digtalent da Xunta trae ao Gaiás hoxe e mañá o IV Hackathon Big Data & Analytics, organizado por DXC Technology

• O reto do encontro é crear ferramentas de apoio para que diferentes perfís de usuarios, profesionais do mar ou afeccionados á pesca e aos deportes acuáticos poidan levar a cabo as súas actividades ao aire libre nas condicións máis favorables
• A iniciativa forma parte das actividades que o Centro de Excelencia en Intelixencia de Negocio de DXC Technology realiza en colaboración coa Amtega dentro do Plan de Promoción do Talento Dixital de Galicia)
• Os participantes asistirán a unha comida networking con persoal do CEIN e recibirán un diploma acreditativo de participación emitido por DXC


O Centro de Excelencia en Intelixencia de Negocio de DXC Technology (CEIN) en colaboración coa Amtega, Intecmar e Meteogalicia, convoca  a  cuarta edición do Hackathon Big Data & Analytics, que se celebra hoxe e mañá na sede das súas oficinas na Cidade da Cultura de Galicia en Santiago de Compostela.

Este Hackathon continúa co compromiso do CEIN de potenciar e desenvolver o sector TIC galego e englóbase dentro das iniciativas do plan Digitalent da Amtega para promover as vocacións tecnolóxicas, involucrando a un equipo de analistas, investigadores, universitarios, emprendedores e todo tipo de persoas con inquietudes tecnolóxicas en Analytics & Big Data. O obxectivo é competir durante dous días no desenvolvemento de ferramentas de apoio aos afeccionados e profesionais do mar e dos deportes acuáticos, tendo en conta as variacións esperadas, nos parámetros atmosféricos e marítimos, debidas ao cambio climático. 

Os integrantes dos equipos inscritos no IV Hackathon Big Data & Analytics DXC  participarán nunha comida networking con persoal do CEIN o sábado 6 na cantina da Cidade da Cultura e recibirán un diploma acreditativo de participación emitido por DXC.

Ao peche do evento, cada equipo presentará a súa solución e un xurado experto avaliará e seleccionará aos gañadores nas categorías de mellor solución global e mellor proposta de valor

Os gañadores serán elixidos por un xurado multidisciplinar formado por colaboradores do CEIN e profesionais doutros sectores afíns á finalidade da convocatoria. A entrega de premios e diplomas acreditativos realizarase  no MyCOAST 3rd Regional Workshop, que terá lugar en Santiago de Compostela o 26 de marzo. O horario do Hackathon será de 17:00 a 20:00 horas o primeiro día e de 9:00 a 20:00 horas o segundo.