Novas

Formulario de busca

Novas

Formulario de busca

Máis de 1.000 empresas de 51 polígonos industriais xa teñen acceso a internet de ata 350Mbps grazas ao Plan de Banda Larga da Xunta

A conexión a redes ultrarrápidas posibilítalles o acceso a servizos e solucións que facilitan a súa transformación dixital
En 2018 conectaranse outros 30 recintos empresariais, grazas a esta actuación da Amtega e do operador R
Ao remate do Plan un total de 130 polígonos, que concentran máis do 90% da superficie empresarial ocupada, disporán de acceso a redes de máis de 100 Mbps
Ademais, o Plan subvencionou con preto de 400.000 euros o acceso a internet de alta velocidade a máis de 30 empresas e autónomos de zonas illadas do rural

O Plan de Banda Larga da Xunta, impulsado pola Axencia para a Modernización Tenolóxica de Galicia (Amtega), pechou 2017 con 51 polígonos con acceso a internet de redes ultrarrápidas. Máis de 1.000 empresas instaladas nestes recintos empresariais poden contratar servizos de Internet a través de fibra óptica cunhas velocidades de ata 350 Mbps de baixada e 35 de subida, e cunha garantía de caudal do 80% sen límite de descargas.

Esta actuación do Plan, cuxo adxudicatario é o operador R, completarase en 2018 achegando o acceso a estas redes ultrarrápidas a outros 30 recintos empresariais. Deste xeito, no ano 2018, un total de 130 polígonos, nos que se concentra case o 93% da superficie empresarial ocupada, disporán de acceso a redes de máis de 100 Mpbs. O resto cubriranse nas seguintes actuacións previstas no Plan.

350Mbps e servizos R de valor engadido

Ademais, R pon a disposición das empresas dos polígonos a tecnoloxía necesaria para que poidan acometer a súa transformación dixital. Nesta liña están os servizos e solucións na nube como a videoconferencia ou a posibilidade de usar os seus equipamentos e o software como servizo pagando só polo uso que deles fan, sen necesidade de investir. Outra opción á man destas empresas é o acceso aos servizos do chamado Internet das Cousas (IoT) e da industria 4.0, relacionados coa eficiencia enerxética, control de intrusións nas edificacións, servidores virtuais e analítica de datos (big data), entre outros.

Estas solucións intégranse en centros de datos profesionais, coma se formasen parte da rede local da empresa. Proximidade, polo tanto, e tamén flexibilidade para adaptarse ás necesidades dos negocios en cada momento.

E todo isto, grazas ás vantaxes das redes FTTH (Metro, RFoG, GPON...), que levan a fibra óptica ata a propia empresa nestes polígonos xa conectados ás redes ultrarrápidas de R

Orzamento

A Axencia para a Modernización Tecnolóxica de Galicia (Amtega), subvenciona estes despregamentos cunha axuda de 3,4 millóns de euros, que xerarán un investimento total de 5,2 millóns de euros. Estas subvencións cofináncianse ao 75% polo Fondo Europeo Agrícola de Desenvolvemento Rural (FEADER) no marco do Plan de desenvolvemento rural de Galicia 2014-2020 (PDR).

Axudas a empresas illadas

Outra das liñas do Plan de Banda Larga foi a convocatoria de axudas para empresas e autónomos das zonas máis illadas do rural, da que, tralo remate do período de xustificacións se beneficiaron un total de máis de 30 entidades. A Axencia para a Modernización Tecnolóxica de Galicia (Amtega) investiu finalmente preto de 400.000 euros. As subvencións solicitadas polas empresas beneficiarias comprenden entre o 70% e o 100% dos custos das tarefas necesarias para dotar de banda larga de ata 350 Mpbs ás empresas.

As empresas beneficiadas abranguen diferentes sectores produtivos: alimentación, agricultura, hostalaría, asesoría, xestión de residuos, inmobiliario ou enerxético, entre outros.

Os importes das axudas solicitadas polos beneficiarios van dende os 2.000 euros ata os 20.000 euros e os servizos de banda larga ultrarrápida que se proveerán permitirán velocidades de acceso a internet dende os 50Mbps ata os 350Mbps.

A mellora da velocidade de acceso a internet nas empresas beneficiarias, con respecto aos servizos actuais dos que dispoñen, superará os 80Mbps en case o 90% dos casos chegando incluso a acadar máis dos 300Mbps nalgunha das empresas beneficiarias das axudas.

Estas liña de axudas cofináncianse ao 75% polo Fondo Europeo Agrícola de Desenvolvemento Rural (FEADER) no marco do Plan de desenvolvemento rural de Galicia 2014-2020 (PDR) e é a segunda das actuacións do Plan de Banda Larga 2020 para a extensión de redes de banda larga ultrarrápida na Comunidade.

Plan de Banda Larga de Galicia 2020

O Plan de Banda Larga de Galicia 2020, aprobado o 1 de outubro de 2015 no Consello da Xunta, asume os obxectivos establecidos na Axenda Dixital para Europa de garantir unha cobertura de banda larga de cando menos 30Mbps para a totalidade da poboación e impulsar a contratación nos fogares de servizos de banda larga por riba dos 100Mbps.

Listado de Polígonos xa cubertos en 2017

 

Provincia

Municipio

Polígono

 
 

CORUÑA

ARZUA

PARQUE EMPRESARIAL ARZÚA

 

CORUÑA

BETANZOS

PARQUE EMPRESARIAL A PIADELA

 

CORUÑA

COIROS

PARQUE EMPRESARIAL DE COIRÓS

 

CORUÑA

CULLEREDO

CENTRO LOXÍSTICO DE TRANSPORTE

 

CORUÑA

LARACHA (A)

PLAN DE SECTORIZACIÓN CERÁMICAS CAMPO

 

CORUÑA

MALPICA DE BERGANTIÑOS

PARQUE EMPRESARIAL DE MALPICA

 

CORUÑA

MELIDE

PARQUE EMPRESARIAL DE A MADANELA

 

CORUÑA

NARON

POLÍGONO INDUSTRIAL AS LAGOAS

 

CORUÑA

NOIA

POLÍGONO INDUSTRIAL AGUALEVADA

 

CORUÑA

ORDES

PARQUE EMPRESARIAL DE ORDES

 

CORUÑA

OROSO

PARQUE EMPRESARIAL DE SIGÜEIRO  E OROSO PEQUEÑO

 

CORUÑA

PADRON

POLÍGONO INDUSTRIAL DE PICUSA

 

CORUÑA

PADRON

PARQUE EMPRESARIAL DE A PICARAÑA

 

CORUÑA

POBRA DO CARAMIÑAL (A)

POLÍGONO INDUSTRIAL A TOMADA

 

CORUÑA

PONTECESO

PARQUE EMPRESARIAL DE PONTECESO

 

CORUÑA

PONTES DE GARCIA RODRIGUEZ (AS

PARQUE EMPRESARIAL DE PENAPURREIRA

 

CORUÑA

RIANXO

PARQUE EMPRESARIAL DE RIANXO

 

CORUÑA

SADA

POLÍGONO INDUSTRIAL ARCO IRIS

 

CORUÑA

SANTA COMBA

PARQUE EMPRESARIAL DE SANTA COMBA

 

CORUÑA

VIMIANZO

PARQUE EMPRESARIAL DE VIMIANZO

 

LUGO

BEGONTE

ÁREA INDUSTRIAL DE CARRAL

 

LUGO

LOURENZA

PARQUE EMPRESARIAL DE LOURENZÁ

 

LUGO

MONDOÑEDO

PARQUE EMPRESARIAL DE MONDOÑEDO

 

LUGO

OUTEIRO DE REI

PARQUE EMPRESARIAL DE OUTEIRO DE REI

 

LUGO

RIBADEO

POLÍGONO INDUSTRIAL DE RIBADEO

 

OURENSE

ALLARIZ

PARQUE EMPRESARIAL DE CHORENTE

 

OURENSE

ALLARIZ

PARQUE EMPRESARIAL DE CHORENTE (POLÍGONO INDUSTRIAL DE ROIRIZ)

 

OURENSE

BARCO DE VALDEORRAS (O)

PARQUE EMPRESARIAL DE O BARCO DE VALDEORRAS

 

OURENSE

CARBALLEDA DE VALDEORRAS

POLÍGONO INDUSTRIAL DE A MÉDUA

 

OURENSE

CELANOVA

PARQUE EMPRESARIAL DE CELANOVA

 

OURENSE

RIBADAVIA

PARQUE EMPRESARIAL DE RIBADAVIA

 

OURENSE

VERIN

Parque Empresarial de Verín – Pazos

 

PONTEVEDRA

BUEU

PARQUE EMPRESARIAL BUEU - CASTIÑEIRAS

 

PONTEVEDRA

CALDAS DE REIS

POLIGONO INDUSTRIAL ARCOS DA CONDESA

 

PONTEVEDRA

CALDAS DE REIS

ZONA INDUSTRIAL DE AS VEIGAS DE ALMORZAR

 

PONTEVEDRA

CALDAS DE REIS

AREA EMPRESARIAL DE FORBESA

 

PONTEVEDRA

CAMBADOS

P.I. O SALNES

 

PONTEVEDRA

ESTRADA (A)

PARQUE EMPRESARIAL DE A ESTRADA - TOEDO

 

PONTEVEDRA

GROVE (O)

POLÍGONO DE PORTO MELOXO

 

PONTEVEDRA

MEIS

POLÍGONO INDUSTRIAL DE AS COVAS

 

PONTEVEDRA

MEIS

POLÍGONO INDUSTRIAL DE VILANOVIÑA

 

PONTEVEDRA

PONTE CALDELAS

PARQUE EMPRESARIAL DE A REIGOSA E CENTRAL DE TRANSPORTES E PONTE CALDELAS

 

PONTEVEDRA

PONTEAREAS

POLÍGONO INDUSTRIAL DE A LOMBA

 

PONTEVEDRA

PONTEVEDRA

PARQUE EMPRESARIAL DE O CAMPIÑO

 

PONTEVEDRA

PORRIÑO (O)

ÁREA DE NEGOCIOS OCEANIS

 

PONTEVEDRA

SILLEDA

PARQUE EMPRESARIAL DE SILLEDA

 

PONTEVEDRA

TUI

PARQUE EMPRESARIAL DE AREAS

 

PONTEVEDRA

VILA DE CRUCES

POLÍGONO INDUSTRIAL O CAMBALLÓN

 

PONTEVEDRA

VILAGARCIA DE AROUSA

PARQUE EMPRESARIAL DE O POUSADOIRO

 

PONTEVEDRA

VILAGARCIA DE AROUSA

POLÍGONO INDUSTRIAL DE BAMIO

 

PONTEVEDRA

VILANOVA DE AROUSA

PARQUE EMPRESARIAL DE VILANOVA DE AROUSA I (AREA LOXÍSTICA DE BAIÓN - RÍA DE AROUSA)