Memoria de actividades 2020Memoria de actividades 2020
Coa finalidade de dar cumprimento ao artigo 10 dos Estatutos da Axencia para a Modernización Tecnolóxica de Galicia, elabórase a Memoria de Actividades 2020 na que, tras unha breve sinopse da natureza e funcións desta axencia pública autonómica, se exporá a actividade desenvolvida durante o anterior exercicio e os principais logros acadados, así como o grao de cumprimento tanto do plan de acción 2020 como do contrato plurianual de xestión.
Durante o 2020 aprobouse a Estratexia Galicia Dixital 2030 que mobilizará 4.000 M€ para aumentar a calidade de vida e o desenvolvemento sostible co impulso de solucións intelixentes no plano social, económico e ambiental. Avanzouse na consolidación duns servizos públicos dixitais: no contexto de crise sanitaria derivada da evolución epidemiolóxica do COVID-19, a actuación da Amtega permitiu dar continuidade ao funcionamento da administración pública e a prestación de servizos básicos á cidadanía, 17 salas de vistas xudiciais renováronse con tecnoloxía dixital e en 23 salas adicionais integrouse sistema de videoconferencia, estendeuse a Historia Social Única Electrónica chegando xa a 311 concellos galegos e a educación integramente dixital é unha realidade para máis de 34.000 alumnos de 470 centros educativos. No ámbito dos sectores primarios dixitalizáronse 25 lonxas e continuouse co proceso de ampliación da rede de vixilancia dos espazos forestais de Galicia, acadando una cobertura de 1,8 millóns de hectáreas, algo mais do 60% do territorio
Neste documento faise un repaso polos principáis logros do período 2020, entre os que destacan: O Proxecto Abalar, a Historia Social Única Electrónica, a dixitalización das rulas, desenvolvemento dunha plataforma tecnolóxica para o sector gandeiro, a posta en marcha do sistema de xestión de recursos do Patrimonio Cultural de Galicia (XERPA), a posta en marcha do Plan de inclusión dixital de Galicia, o despregamento de redes de máis de 100Mbps en entidades singulares de poboación e o avance na iniciativa de mellora da cobertura móbil no rural enmarcado no Plan de banda larga 2020, o desenvolvemento dos pilotos enmarcados no Plan Galicia 5G, as 24 actuacións do plan DigiTalent e a mecionada aprobación da Estratexia Dixital de Galicia 2030
A continuación pode acceder ao documento íntegro da Memoria de actividades 2020:
Redes Sociais
