Evento de networking tecnolóxico DataBeersGLZ
Descrición:
O Centro de Excelencia en Intelixencia de Negocio (CEIN) celebra o próximo 29 de xuño o DataBeersGLZ, un evento de networking que se desenvolve en diferentes cidades do mundo e que chega ao Gaiás deste centro, que a empresa DXC Technology ten en Santiago de Compostela, no marco do Pacto Dixital da Xunta de Galicia.
O obxectivo de DataBeersGLZ é aumentar a alfabetización no mundo dos datos dunha forma accesible e amable, Os eventos DataBeers teñen ademais un elemento secundario, a cervexa, que actúa como nexo facilitador da interacción entre todos os asistentes. O público xoga un papel importante, xa que pode participar e compartir impresións durante as charlas, creándose unha comunidade activa en torno ao mundo dos datos.
O evento, totalmente gratuíto, celebrarase na Sala Eisenman da Cidade da Cultura a partir das 19:30.
Horario: A partir das 19:30 horas
Programa:
- Andrés García-Rodeja, Director do Centro de Excelencia en Intelixencia de Negocio:
“¿Hai algún Data Scientist na sala?” - Celia López, Responsable de produto en proxectos de Intelixencia de Negocio e Fernando Blanco, Inxeñeiero en Informática encargado do desenvolvemento front-end e visualización avanzada de información:
“O Shu, o Ha y o Ri” - David Losada, Profesor Titular de Universidade da Área de Ciencia da Computación e Intelixencia Artificial e Investigador Senior asociado ao CiTIUS:
“Minería de Textos para a Detección Temperá de Riscos: o Caso da Depresión” - Elías Castro González, xefe de proxectos Business Intelligence na área de Analytics para Sanidade:
“Datos que salvan vidas. O medicamento do futuro”
Para obter entradas para o evento, prema aquí (https://databeersglz.tumblr.com/)
Para consultar máis información sobre o evento prema aquí (http://amtega.xunta.gal/nova/o-centro-de-excelencia-en-intelixencia-de-n...)