A Secretaría Xeral de Modernización e Innovación Tecnolóxica da Xunta de Galicia e a Secretaría de Estado de Telecomunicacións e para a Sociedade da Información asinaron unha adenda ao Convenio marco de colaboración, entre o Ministerio de Industria, Turismo e Comercio e a Comunidade Autónoma de Galicia, para o desenvolvemento de programas no ámbito do Plan Avanza.

O obxecto desta adenda, subscrita o 28 de setembro de 2009, ao Convenio marco de colaboración entre o Ministerio de Industria, Turismo e Comercio e a Comunidade Autónoma de Galicia para o desenvolvemento dos distintos programas propostos, no ámbito do Plan Avanza é determinar as condicións de cooperación, colaboración e cofinanciación entre o Ministerio de Industria, Turismo e Comercio e a Comunidade Autónoma de Galicia para o desenvolvemento das actividades no marco do Plan Avanza, que se concretan na execución das actividades e programas detallados no Anexo da mencionada adenda.

Asinaron esta adenda ao convenio a secretaría xeral de Modernización e Innovación Tecnolóxica e o secretario de estado de Telecomunicacións e para a sociedade da información.