O presente instrumento ten por obxecto establecer as pautas que se seguirán na colaboración entre a Consellería de Política Social, a Axencia para a Modernización Tecnolóxica de Galicia (Amtega), Televés S.A. e Cruz Roja Española para facilitar a pilotaxe dos casos de uso de teleasistencia avanzada no marco do proxecto europeo ACTIVAGE en Galicia.

As actuacións a desenvolver ao abeiro do presente instrumento son:

• Definición da arquitectura tecnolóxica da solución de fogar dixital que se deberá pilotar.
• Definición dos casos de uso a pilotar e avaliar.
• Definición dos procedementos e protocolos a aplicar nos casos de uso establecidos.
• Pilotaxe dos casos de uso no ámbito social e no ámbito socio-sanitario.
• Avaliación da evolución, desenvolvemento, resultados e conclusións dos distintos casos de uso.

Este instrumento non supón custo económico algún para a Amtega.