Para conseguir este obxecto as Administracións comprométense a:

• Articular medidas e instrumentos de colaboración para a implantación coordinada e normalizada dunha rede de espazos comúns de atención ao cidadán (oficinas de atención presencial, atención telefónica, páxinas en internet...).
• Establecer un marco xeral de obrigacións para permitir que os cidadáns poidan presentar escritos e comunicacións que dirixan aos órganos e entidades de dereito público da Administración Xeral do Estado e da Comunidade Autónoma de Galicia.
• Establecer compromisos para intercambiar, compartir e integrar medios e instrumentos de información ao cidadán.
• Configurar progresivamente a prestación conxunta de servizos de xestión mediante a simplificación e integración dos trámites e procedementos administrativos.

Asinan o convenio, en Santiago de Compostela a día 17 de abril de 2007, o Ministerio de Administracións Públicas, en representación da Administración Xeral do Estado, e a Xunta de Galicia, en representación da devandita Comunidade Autónoma.