Os obxectivos deste convenio de colaboración son, entre outros, mellorar a formación continua na administración pública, promover a actualización e perfeccionamento da cualificación profesional das persoas ao seu servizo, ampliar a formación normalizada estandarizada en ofimática, fortalecer a colaboración entre a Amtega e a EGAP no marco do convenio subscrito por ambas entidades e conxugar esforzos co obxectivo de non duplicar actuacións formativas similares ás financiadas pola administración e dirixidas aos empregados públicos.

Coa sinatura deste convenio, amplíanse os mecanismos de obtención da certificación galega CODIX Ofimática, asegurando sempre mediante unha proba presencial, que o alumnado teña adquiridas as competencias obxecto da certificación, coa participación directa da EGAP, como emisora do certificado de superación do Plan Formativo Ofimático de Galicia.

As actuacións do presente convenio non supoñen achega económica algunha.