O presente convenio ten por obxecto a posta en marcha de actuacións para o fomento da sociedade da información, entre as que estarían:

• XIV Noite Galega das Telecomunicacións e da Sociedade da Información.
• Sistemas de uso seguro de internet na infancia. Vixilancia e control do uso de internet.
• Actividades de difusión e presentación do Dicionario galego das TIC.

Este convenio ten un carácter de interese xeral xa que contribuíu a:

• Facilitar o desenvolvemento e progreso da comunidade autónoma de Galicia a través da potenciación das telecomunicacións entre a sociedade.
• Fomentar o compañeirismo entre os enxeñeiros de telecomunicacións.
• Concienciar os pais sobre os usos e riscos das TIC.
• Facilitar os métodos de control do uso de internet.
• Dar a coñecer ao sector TIC e á sociedade en xeral o Dicionario galego das TIC.

Asinan o convenio, o 13 de novembro 2009, a secretaria xeral de Modernización e Innovación Tecnolóxica, en representación da Xunta de Galicia, e o decano/presidente do Colexio Oficial de Enxeñeiros de Telecomunicación de Galicia / Asociación de Enxeñeiros de Telecomunicación de Galicia.