Non piques – Non peques

Non piques – Non peques

"Non piques, non peques" é unha aplicación móbil que, ao igual que a campaña do mesmo nome, xorde co obxecto de fomentar o respecto aos talles mínimos establecidos pola Lei e ás especies ovadas ou que aínda non chegaron á súa madurez e para que se cumpran os períodos de veda nos que non se poden consumir.

Dispoñible tanto en galego como en castelán, permite seleccionar varias especies entre as seguintes categorías: bivalvos, cefalópodos, crustáceos, equinodermos, gasterópodos e peixes; e coñecer, para cada unha desas especies:

• Cal é a mellor época do ano para mercala e consumila
• Identificar de forma sinxela e rápida cales son os tamaños mínimos legais para o seu consumo (indicando a medida estándar do seu talle mínimo pero tamén comparando esa medida con obxectos que resulten facilmente recoñecibles, por exemplo, “aproximadamente o talle dunha botella de auga de medio litro”, “aproximadamente o tamaño dunha folla de papel A4”, “aproximadamente o talle dun bolígrafo”...)
• Coñecer de forma visual e amena cales son os peixes e mariscos máis habituais en Galicia

A aplicación incorpora tamén información gráfica sobre cal é a forma máis axeitada para tomar as medidas de determinadas especies de peixes, bivalvos, crustáceos...

Descarga en Google Play

Descarga en iOS

Descarga en Windows Phone